Í lögum nr. 55/2003 er kveðið á um bann við losun úrgangs annars staðar en á móttökustöð eða í sorpílát. Í varnaðarskyni og til nánari skýringa er lagt til að tilgreint verði sérstaklega að óheimilt sé að losa úrgang í náttúrunni. Úrlausnarefnið er að kveða skýrar á um bann við losun úrgangs í náttúrunni, s.s. á þjóðvegum og í óbyggðum. Markmiðið er að auka skýrleika laga, vitundarvakningu almennings og koma í veg fyrir að úrgangur sé losaður í náttúrunni með tilheyrandi mengun.