Um er að ræða heildarendurskoðun á reglugerð nr. 426/1997 um lyfsöluleyfi og lyfjabúðir. Drög að nýrri reglugerð hafa verið útbúin ásamt því að sameina reglugerð nr. 560/2018 um póst- og netverslanir með lyf í eina heildstæða reglugerð.

Helstu breytingar frá gildandi reglugerðum eru eftirfarandi:

• Flokkum lyfjaútibúa er fækkað úr fjórum í tvo ásamt því að gildistími rekstrarleyfanna er styttur niður í eitt ár.

• Lyfsöluleyfishafi getur opnað lyfjabúð sem aðeins starfrækir netverslun með lyf.

• Lyfjabúðum er veitt heimild til að semja við þriðja aðila í verktöku til að sinna afhendingu lyfja utan lyfjabúða.