Í grænbók um mannréttindi verður yfirlit yfir stöðu mannréttindamála á Íslandi. Við vinnuna verður safnað upplýsingum um mannréttindi, þróun, tölfræði, samanburði við önnur lönd og samantekt um mismunandi leiðir eða áherslur til að mæta þeim áskorunum sem við blasa í mannréttindamálum, m.a. í tengslum við stofnun sjálfstæðrar innlendrar Mannréttindastofnunar.

Í stjórnarsáttmála ríkisstjórnarinnar er kveðið á um stofnun sjálfstæðrar innlendrar Mannréttindastofnunar. Slík stofnun þarf að uppfylla ákveðin almenn skilyrði sem sett eru fram í viðmiðunarreglum Sameinuðu þjóðanna um mannréttindastofnanir eða svokölluðum Parísarviðmiðum.