Tímalína máls
Til umsagnar
30.3.–27.4.2022
Í vinnslu
28.4.2022–
Samráði lokið
Skjöl til samráðs
Fylgiskjöl
Mál nr. S-75/2022
Birt: 30.3.2022
Fjöldi umsagna: 2
Drög að reglugerð
Innviðaráðuneytið
Samgöngu- og fjarskiptamál
Reglugerð um heilbrigðisþjónustu, lyf og lækningatæki um borð í íslenskum skipum
Málsefni
Innviðaráðuneytið kynnir til umsagnar drög að reglugerð um heilbrigðisþjónustu, lyf og lækningatæki um borð í íslenskum skipum. Reglugerðin mun koma í stað reglugerðar sama heitis nr. 365/1998.
Nánari upplýsingar
Reglugerð um heilbrigðisþjónustu, lyf og lækingatæki um borð í íslenskum skipum hefur verið til endurskoðunar síðastliðið ár. Í henni er kveðið á um lágmark lyfja og lækningatækja í lyfjakistu um borð í öllum skoðunarskyldum skipum á íslenskri skipaskrá.
Eldri reglugerð hefur staðið að mestu óbreytt frá því hún var sett árið 1998, með smávægilegum breytingum árið 2003. Á þeim tíma sem síðan er liðinn hafa orðið miklar breytingar á skipaflota og tækni. Nægir að nefna fjölmörg skip í ferðaþjónustu sem eru almennt í siglingu nálægt höfnum í örfáar klukkustundir. Þá hefur orðið sú breyting á tækjabúnaði skipa og áhafna að mögulegt er að nýta upplýsingatækni um borð, með fjarskiptasambandi sem og staðbundið með niðurhali skráa en á markaði er kominn hugbúnaður sem gerir skipum kleift að hafa umsýslu lyfjakistu rafræna.
Í drögum að reglugerð eru eftirfarandi breytingar gerðar:
1. Bætt er við flokki farþegaskipa sem eru skemur en 5 klukkustundir í ferðum til og frá höfn.
2. Felldur er niður sérstakur flokkur björgunarfara en í þess stað skal búnaður þeirra vera í samræmi við kóða Alþjóðasiglingamálastofunarinnar um lyfjakistur þ.e. sjúkragögn björgunarfara (LSA Life saving appliance Code).
3. Bætt er við öryggisstjóra útgerðar og umsjónarmanni lyfjakistu í upptalningu í 6. gr. til samræmis við fyrirkomulag hjá stærri útgerðum.
4. Gefinn er möguleiki á að nota upplýsingatækni fyrir dagbók notkunar og umsýslu lyfjakistu í þeim greinum reglugerðarinnar sem við á.
Í vinnslu
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa samgangna
irn@irn.is