Til umsagnar
7.4.–6.5.2022
Í vinnslu
7.5.–17.8.2022
Samráði lokið
18.8.2022
Mál nr. S-79/2022
Birt: 7.4.2022
Fjöldi umsagna: 0
Annað
Innviðaráðuneytið
Samgöngu- og fjarskiptamál
Rúmlega 70 ábendingar bárust og er nú unnið úr þeim ábendingum bæði í stofnunum og í ráðuneytinu. Ábendingarnar geta leitt til endurskoðunar á regluverki og þjónustu og í einhverjum tilvikum er þegar unnið að þeim úrbótum sem bent hefur verið á.
Innviðaráðuneytið óskar eftir tillögum um hvernig megi einfalda regluverk og bæta þjónustu á vegum ráðuneytisins og stofnana þess. Allir eiga kost á því að taka þátt í könnuninni til og með 6. maí nk.
Markmiðið með könnuninni er að greina hvort og hvar lagðar eru óþarfar, flóknar eða óljósar byrðar á einstaklinga, fyrirtæki eða félagasamtök sem þurfa þjónustu eða leita erinda hjá ráðuneytinu eða stofnunum þess.
Könnunin snýr að innviðaráðuneytinu og sjö fagstofnunum þess en þær eru:
• Byggðastofnun
• Húsnæðis- og mannvirkjastofnun
• Rannsóknarnefnd samgönguslysa
• Samgöngustofa
• Skipulagsstofnun
• Vegagerðin
• Þjóðskrá Íslands
Ábendingar geta verið af ýmsum toga og geta snúið að íþyngjandi reglum, skorti á leiðbeiningum eða upplýsingum, hvar þjónustuferlar gætu verið betri eða stafrænni eða hvort þjónustu vanti eða þurfi að breyta vegna breytinga í samfélaginu.
Verkefnið er eitt af áherslum innviðaráðherra í takt við stefnu ríkisstjórnarinnar um að einfalda regluverk í þágu atvinnulífs og almennings.
Fyrir tæpum tveimur árum réðist ráðuneytið (þá samgöngu- og sveitarstjórnarráðuneytið) í fyrstu könnun af þessu tagi og bárust þá rúmlega 50 ábendingar frá einstaklingum, stofnunum og fyrirtækjum.
Umsagnir voru ekki birtar í gáttinni.
irn@irn.is