Unnið er að upptöku tilskipunar (ESB) 2019/2162 um útgáfu sértryggðra skuldabréfa og opinbert eftirlit með sértryggðum skuldabréfum og reglugerðar (ESB) 2019/2160 um breytingu á reglugerð (ESB) nr. 575/2013 að því er varðar skuldbindingar í formi sértryggðra skuldabréfa í samninginn um Evrópska efnahagssvæðið. Gerðunum er ætlað að samhæfa frekar reglur ríkja á Evrópska efnahagssvæðinu um sértryggð skuldabréf og skapa sameiginlegan og einsleitan markað með sértryggð skuldabréf. Ákvæði gerðanna svipa til þess lagaramma sem þegar gildir hér á landi. Því er ekki gert ráð fyrir því að innleiðing þeirra hafi veruleg áhrif hér á landi.