Samráðs gátt – opið samráð stjórnvalda við almenning

Ný lög um Gæða- og eftirlitsstofnun velferðarmála, nr. 88/2021 kalla á endurskoðun á regluverki á málefnasviði félags- og vinnumarkaðsráðuneytis. Lögin fela m.a. í sér breytingar á fyrirkomulagi leyfisveitinga fyrir velferðarþjónustu og er starfsemi allra einkaaðila sem fara með þjónustu sem lýtur eftirliti stofnunarinnar rekstrarleyfisskyld. Í lögunum eru meðal annars sett fram viðmið um kröfur til umsækjanda um rekstrarleyfi, málsmeðferð og útgáfu leyfanna. Þá eru þar ákvæði um endurnýjun leyfa og bráðabirgðaleyfi.

Breytingarnar sem eru kynntar hér miða að því að aðlaga ákvæði reglugerðanna að breyttu lagaumhverfi.

Ástæðan fyrir brottfalli reglugerðar nr. 1036/2018 um eftirlit og eftirfylgni vegna þjónustu við fatlað fólk með langvarandi stuðningsþarfir, reglugerðar nr. 856/2020 um starfsleyfi til einkaaðila sem veita þjónustu við fatlað fólk og reglugerðar nr. 1320/2020 um starfsleyfi til einkaaðila sem veita félagsþjónustu er að með tilkomu nýrra laga um Gæða- og eftirlitsstofnun velferðarmála er fjallað með samræmdum hætti um málsmeðferð leyfisveitinga til einkaaðila í lögum.

Jafnframt er hugmyndin að fella brott reglugerðir sem settar voru í tíð eldri laga um málefni fatlaðs fólks.

Þær reglugerðir sem lagt er til að fella á brott eru:

1. Reglugerð nr. 376/1996 um atvinnumál fatlaðra.

2. Reglugerð nr. 1054/2010 um þjónustu við fatlað fólk á heimili sínu, með síðari breytingum.

3. Reglugerð nr. 1036/2018 um eftirlit og eftirfylgni vegna þjónustu við fatlað fólk með langvarandi stuðningsþarfir.

4. Reglugerð nr. 856/2020 um starfsleyfi til einkaaðila sem veita þjónustu við fatlað fólk.

5. Reglugerð nr. 1320/2020 um starfsleyfi til einkaaðila sem veita félagsþjónustu.

Tengd mál

• Mál nr. S-125/2022 - Drög að reglugerð um breytingu á reglugerð um notendastýrða persónulega aðstoð, nr. 1250/2018
• Mál nr. S-126/2022 - Drög að reglugerð um breytingu á reglugerð um starfsemi og aðbúnað á skammtímadvalarstöðum, nr. 1037/2018