Tímalína máls
Til umsagnar
19.7.–2.8.2022
Í vinnslu
3.8.2022–13.11.2023
Samráði lokið
14.11.2023
Mál nr. S-131/2022
Birt: 18.7.2022
Fjöldi umsagna: 1
Áform um lagasetningu
Innviðaráðuneytið
Sveitarfélög og byggðamál
Áform um frumvarp til laga um stefnumarkandi áætlanir á sviði húsnæðis- og skipulagsmála, samgangna og byggðamála
Niðurstöður
Sjá 5. kafla um samráð í frumvarpi til laga um stefnumarkandi áætlanir á sviði húsnæðis- og skipulagsmála, samgangna og byggðamála.
Málsefni
Innviðaráðherra áformar að leggja fram á Alþingi frumvarp til laga um stefnumarkandi áætlanir á sviði húsnæðis- og skipulagsmála, samgangna og byggðamála.
Nánari upplýsingar
Sú stefnumörkun sem unnin er í innviðaráðuneytinu samkvæmt lögum er eftirfarandi:
• Samgönguáætlun, samkvæmt lögum um samgönguáætlun, nr. 33/2008.
• Stefnumótun á sviði húsnæðismála, samkvæmt lögum um húsnæðismál, nr. 44/1998.
• Landsskipulagsstefna, samkvæmt skipulagslögum, nr. 123/2010.
• Byggðaáætlun, samkvæmt lögum um byggðaáætlun og sóknaráætlanir, nr. 69/2015.
• Stefnumótandi áætlun ríkisins um málefni sveitarfélaga, samkvæmt sveitarstjórnarlögum, nr. 138/2011, sbr. lög nr. 53/2018.
Þessar áætlanir varða öll meginverkefni ráðuneytisins og með þeim er lagður grunnur að mikilvægum innviðum samfélagsins. Þær tengjast mjög náið og framtíðarsýn, meginmarkmið og aðgerðir snerta gjarnan þær allar samtímis.
Lög um breytingu á ýmsum lögum til samræmingar á áætlunum á sviði samgöngu-, fjarskipta-, sveitarstjórnar- og byggðamála, nr. 53/2018, sem gildi tóku í júní 2018, fólu í sér fyrsta áfangann í aukinni samhæfingu á stefnum og áætlunum þáverandi samgöngu- og sveitarstjórnarráðuneytis. Var markmiðið að ná fram aukinni skilvirkni og samhæfingu áætlana, auk þess sem komið var á sérstakri stefnumörkun í málefnum sveitarfélaganna. Verklag við gerð áætlananna var samræmt, sem og form þeirra og tímaspönn, m.a. út frá forsendum laga um opinber fjármál. Frumvarp til laga um stefnumarkandi áætlanir á sviði samgangna, fjarskipta og byggðamála, sem fól í sér næsta áfanga í átt að aukinni samhæfingu áætlana á þessum sviðum, var lagt fram á 151. löggjafarþingi en náði ekki fram að ganga.
Við myndun núverandi ríkisstjórnar í kjölfar kosninga til Alþingis í september 2021 tók nýtt innviðaráðuneyti við málaflokkum samgöngu- og sveitarstjórnarráðuneytisins, að fjarskiptum frátöldum. Jafnframt færðust undir ráðuneytið mannvirkja-, húsnæðis- og skipulagsmál. Tilgangur þessara breytingar kemur fram með skýrum hætti í stjórnarsáttmála ríkisstjórnarinnar þar sem lögð er áhersla á mikilvægi aukinnar samþættingar áætlana á sviði húsnæðis-, skipulags- og samgöngumála og samhæfingu þeirra við sveitarfélögin í landinu.
Með því að samhæfa stefnur og áætlanir á verkefnasviði ráðuneytisins gefst kostur á að hámarka árangur og jákvæð áhrif stefnumótunarinnar enda verði tekið mið af tengdum málefnum og horft lengra en til sérstakra verkefna einstakra málaflokka. Byggt verður á skýrum áherslum með sameiginlegri framtíðarsýn, meginmarkmiðum og sameiginlegum verkefnum fyrir alla málaflokka sem ganga þurfa með samræmdum hætti í gegnum allar áætlanirnar.
Með frumvarpinu verður unnið að framgangi næsta áfanga á þeirri braut. Með því má ná meiri árangri fyrir samfélagið með aukinni samvinnu málaflokka, meira gagnsæi og hagkvæmari nýtingu fjármuna.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (2)
Umsjónaraðili
irn@irn.is