Til umsagnar
20.7.–20.8.2022
Í vinnslu
21.8.2022–27.6.2023
Samráði lokið
28.6.2023
Mál nr. S-132/2022
Birt: 20.7.2022
Fjöldi umsagna: 9
Drög að stefnu
Menningar- og viðskiptaráðuneytið
Menning, listir, íþrótta- og æskulýðsmál
Horft var til umsagna við nánari mótun stefnunnar og fyrri aðgerðaáætlunar hennar. Stefnan birt í febrúar 2023 og aðgerðaáætlun lögð fram í formi þingsályktunartillögu á vorþingi 2023.
Stefnan inniheldur framtíðarsýn og markmið sem ætlað er að auka lífsgæði, skapa verðmæti og auka sjálfbærni með markvissri áherslu á málefni hönnunar og arkitektúrs.
Framtíðarsýn stefnunnar er að hönnun og arkitektúr séu nýtt markvisst til að auka lífsgæði á Íslandi með áherslu á verðmætasköpun og sjálfbærni fyrir samfélagið í heild. Með því að nýta aðferðir hönnunar auka stjórnvöld og atvinnulíf gæði, bæta heilsu og mannlíf, skapa áhugaverð störf og hraða verðmætasköpun á ólíkum sviðum.
Leiðir að meginmarkmiðum stefnunnar um aukin lífsgæði og verðmætasköpun tengjast;
• verðmætasköpun sem byggir á hönnun og arkitektúr
• hagnýtingu hönnunar sem breytingaafls
• menntun framsækinna kynslóða
• sjálfbærri innviðauppbyggingu
• kynningu á íslenskri hönnun og arkitektúr.
Drög stefnu í málefnum hönnunar og arkitektúrs byggja á eldri stefnumótun sem fram fór árin 2011-2013 og stefnu sem í gildi var árin 2014-2018, drögum að nýrri stefnu sem kynnt var árið 2018 og umsögnum sem um þau bárust, niðurstöðum stefnumóts Miðstöðvar hönnunar og arkitektúrs sem fram fór í júní 2021 og umræðum og forgangsröðun rýnihópafundar sem boðað var til í byrjun júní 2022.
Kallað er eftir umsögnum og ábendingum um inntak, forgangsröðun og áherslur í stefnunni og fyrri aðgerðaáætlun hennar. Síðan verður unnið úr þeim ábendingum sem berast og að frekara samráði um nánari útfærslur aðgerða.
Umsagnir voru birtar jafnóðum og þær bárust. Skoða umsagnir.
Menningar- og viðskiptaráðuneyti
mvf@mvf.is