Tímalína máls
Til umsagnar
17.8.–2.9.2022
Í vinnslu
3.9.2022–
Samráði lokið
Mál nr. S-149/2022
Birt: 17.8.2022
Fjöldi umsagna: 2
Áform um lagasetningu
Umhverfis-, orku- og loftslagsráðuneytið
Umhverfismál
Áform um frumvarp til laga um breytingu á lögum um hollustuhætti og mengunarvarnir nr. 7/1998 (geymsla koldíoxíðs)
Málsefni
Uppfæra þarf nokkur ákvæði laganna í VI. kafla A um geymslu koldíoxíðs í jörðu. Breytingarnar eru nauðsynlegar til að samræma orðalag þeirra við tilskipun 2009/31/EB um geymslu koldíoxíðs í jörðu.
Nánari upplýsingar
Um er að ræða breytingar á VI. kafla A um geymslu koldíoxíðs í jörðu sem eru nauðsynlegar til að samræma orðalag kaflans við tilskipun ESB 2009/31/EB um geymslu koldíoxíðs í jörðu og tryggja fullnægjandi innleiðingu tilskipunarinnar.
Með lögum nr. 12/2021 sem breyttu lögum nr. 7/1998 um hollustuhætti og mengunarvarnir, var tilskipun 2009/31/EB innleidd að fullu í íslenskan rétt. Að mati framkvæmdastjórnar ESB og Eftirlitsstofnunar EFTA (ESA) getur notkun á orðinu „niðurdæling“ í stað „geymslu“ eins og gert var í lögum nr. 12/2021 leitt til misskilnings auk þess sem orðalagið er ekki í samræmi við orðalag tilskipunarinnar. Af því tilefni fór umhverfis-, orku og loftslagsráðuneytið þess á leit við umhverfis- og samgöngunefnd Alþingis að nefndin legði fram frumvarp þar sem lögð var til breyting á orðalagi laga nr. 12/2021 og tekin út tilvísun í niðurdælingu á koldíoxíði í stað geymslu á koldíoxíði. Frumvarpið var samþykkt á Alþingi þann 15. júní 2022, sbr. lög nr. 67/2022.
Í sumar bárust frekari ábendingar og athugasemdir frá Eftirlitsstofnun EFTA (ESA) um að orðalag VI. kafla A um geymslu koldíoxíðs í jörðu væri enn ekki í fullu samræmi við orðalag tilskipunarinnar og því er nauðsynlegt að leggja til efnisbreytingar á nokkrum ákvæðum VI. kafla A í lögum nr. 7/1998. Helstu atriðin sem ESA hefur bent á eru að setja verði skýrari mörk milli umfjöllunar um könnunarleyfi og starfsleyfi sem fjallað er um í 33. gr. c. Einnig þarf að uppfæra orðalag í 1. mgr. 33. gr. g. þar sem fjallað er um flutning ábyrgðar á geymslusvæði eftir að því hefur verið lokað sem og í 33. gr. h. sem fjallar um aðgang þriðja aðila að flutningskerfi auk nokkurra annarra atriða.
Í vinnslu
Umsagnir voru birtar jafnóðum og þær bárust. Skoða umsagnir.
Tenging við önnur mál (1)
Umsjónaraðili
Skrifstofa loftslagsmála
urn@urn.is