Vegna áforma Íslenskra getrauna um að taka upp nýjan getraunaleik í samstarfi við Svenska Spel er lögð til breyting á reglugerð fyrir Íslenskar getraunir nr. 166/2016. Þar koma fram nánari reglur um leikinn en hann felst í því að þátttakendur giska á hversu mörg mörk verði skoruð í heild í hverjum leik af þeim 13 leikjum sem giskað er á. Á getraunaseðli leiksins verði sömu leikir og eru á enska getraunaseðlinum, en í þessu tilviki verði einungis giskað á fjölda heildarmarka í leik.