Tímalína máls
Til umsagnar
12.9.–3.10.2022
Í vinnslu
4.10.2022–
Samráði lokið
Skjöl til samráðs
Mál nr. S-162/2022
Birt: 12.9.2022
Fjöldi umsagna: 2
Drög að reglugerð
Innviðaráðuneytið
Húsnæðis- og skipulagsmál
Drög að reglugerð um Brunamálaskólann
Málsefni
Innviðaráðuneytið kynnir til umsagnar drög að reglugerð um Brunamálaskólann
Nánari upplýsingar
Ráðherra skipaði í lok apríl 2021 starfshóp um málefni Brunamálaskólans. Markmið hópsins var að fylgja eftir tillögum starfshóps sem skipaður var til að greina núverandi stöðu brunamála, kanna skipulega viðhorf og úrbótatillögur helstu sérfræðinga og hagsmunaaðila málaflokksins og gera tillögur að úrbótum er varða brunamál. Helstu verkefni hópsins voru að móta framtíðarsýn og stefnu Brunamálaskólans, endurskrifa reglugerð um skólann og huga að tengingu hans við skólakerfi. Árið 2010 voru gerðar nokkuð miklar breytingar á lögum um brunavarnir nr. 75/2000, sérstaklega hvað varðar rekstrarform Brunamálaskólans, sem rekinn er af Húsnæðis- og mannvirkjastofnun. Því var nauðsynlegt að breytingar yrðu gerðar á núgildandi reglugerð nr. 792/2001 um Brunamálaskólann og réttindi og skyldur slökkviliðsmanna, til samræmis við lagabreytingarnar. Ofangreindur starfshópur hefur skilað af sér tillögum og er niðurstaða starfshópsins að núgildandi reglugerð nr. 792/2001 um Brunamálaskólann og réttindi og skyldur slökkviliðsmanna verði felld brott og að ný reglugerð verði sett sem mæli fyrir um starfsemi skólans. Lagt er til að reglugerðin beri heitið ,,Reglugerð um Brunamálaskólann“. Stærstu breytingarnar sem starfshópurinn leggur til varða stjórn og skipulag Brunamálaskólans og eru tillögurnar í samræmi við fyrrnefndar lagabreytingar sem gerðar voru árið 2010, þannig að í stað skólaráðs skipi ráðherra fjögurra manna fagráð sem verður Húsnæðis- og mannvirkjastofnun til ráðgjafar um fagleg málefni Brunamálaskólans. Með þessum breytingum er ekki lengur gerð krafa til þess að ráðinn sé sérstakur skólastjóri heldur er rekstur skólans á forræði brunavarnasviðs Húsnæðis- og mannvirkjastofnunnar sem ber ábyrgð á fjármálum og rekstri skólans. Í tillögu að nýrri reglugerð er einnig fallið frá kaflanum um réttindi og skyldur slökkviliðsmanna og gert ráð fyrir að önnur lög og reglugerðir kveði á um slík atriði.
Í vinnslu
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa húsnæðis- og skipulagsmála
irn@irn.is