Niðurstöður

Alls bárust fjórar umsagnir, frá Landspítala, Geðhjálp, Öryrkjabandalagi Íslands og einstaklingi. Flestar vörðuðu ákvæði sem er í 2. gr. reglnanna um undanþágu frá samskiptum hins nauðungarvistaða við ráðgjafa ef ástand hans er metið þannig af vakthafandi lækni að það hafi enga þýðingu, og er þar vísað til ákvæðis 2. mgr. 27. gr. lögræðislaga. Þar sem ákvæðið er lögbundið var ekki talið unnt að bregðast við þessum athugasemdum. Hins vegar munu þær og aðrar athugasemdir sem snúa fremur að breytingum á lögræðislögum verða hafðar til hliðsjónar við vinnu sem áformuð er um breytingar á lögunum.