Tímalína máls
Til umsagnar
23.9.–14.10.2022
Í vinnslu
15.10.2022–15.2.2023
Samráði lokið
16.2.2023
Skjöl til samráðs
Mál nr. S-173/2022
Birt: 23.9.2022
Fjöldi umsagna: 8
Drög að stefnu
Innviðaráðuneytið
Samgöngu- og fjarskiptamál
Umferðaröryggisáætlun 2023-2037
Niðurstöður
Umferðaröryggisáætlun var lögð fram í fyrsta sinn til samráðs 2022. Átta umsagnir bárust og er umsagnaraðilum þakkað fyrir þær. Umferðaröryggisáætlun verður lögð fram á Alþingi sem fylgiskjal með hvítbók um samgöngur.
Málsefni
Innviðaráðuneytið birtir til umsagnar drög að umferðaröryggisáætlun 2023-2037.
Nánari upplýsingar
Í umferðaröryggisáætlun 2023-2037 er mörkuð stefna um umferðaröryggi á Íslandi til 15 ára. Sett markmið og áherslur miða að því að ná árangri og auka umferðaröryggi.
Markmið eru þau sömu og verið hefur en við bætist markmið um að lækka slysakostnað á hvern ekinn kílómetra til þess að koma til móts við mikla aukningu í akstri.
Stefnan er byggð á þriggja þátta nálgun um umferðaröryggi: öruggari vegfarendur, öruggari vegir og öruggari ökutæki. Þetta þrennt spilar svo saman og stuðlar að auknu umferðaröryggi og fækkun alvarlegra slysa. Sett eru frammistöðumarkmið sem flest snúa að vegfarendum þar sem langflest slys verða vegna mannlegra mistaka. Þá eru sett fram markmið um öryggi umferðarmannvirkja og ökutækja sem um þau fara.
Eitt nýtt undirmarkmið er kynnt til sögunnar sem snýr að aðild eldri ökumanna í alvarlegum slysum eða banaslysum og er það mælt með sama hætti og slys með aðild yngstu ökumannanna.
Árlegur samfélagslegur kostnaður af umferðarslysum er metinn um 40 milljarðar króna og er því til mikils að vinna að auka umferðaröryggi með markvissum aðgerðum.
Framkvæmd áætlunarinnar er á forræði innviðaráðuneytis en ábyrgð verkefna er hjá Vegagerðinni, Samgöngustofu og ríkislögreglustjóra, auk ráðuneytisins.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa samgangna
irn@irn.is