Til umsagnar
4.–21.11.2022
Í vinnslu
22.2022–13.11.2023
Samráði lokið
14.11.2023
Mál nr. S-210/2022
Birt: 4.11.2022
Fjöldi umsagna: 5
Drög að frumvarpi til laga
Innviðaráðuneytið
Samgöngu- og fjarskiptamál
Sjá 5. kafla um samráð í frumvarpi til laga um stefnumarkandi áætlanir á sviði húsnæðis- og skipulagsmála, samgangna og byggðamála.
Með frumvarpinu er lögð til ný hugsun og mikilvæg viðhorfsbreyting í opinberri stefnumótun og áætlanagerð.
Í frumvarpsdrögunum er markaður rammi um þessa nýja hugsun í stefnumótun og verklag við undirbúning og gerð áætlana á sviði málefna er heyra undir innviðaráðuneytið. Kemur það í stað ákvæða um gerð samgönguáætlunar, stefnumótunar á sviði húsnæðismála, og byggðaáætlunar en auk þess eru lagðar til breytingar á skipulagslögum er varðar landsskipulagsstefnu en breytingar eiga að fela í sér einföldun lagareglna á þessu sviði.
Virk stefnumótun er forsenda framfara og er samfélaginu, atvinnulífinu og hinu opinbera nauðsynleg. Það er lýðræðissamfélögum nauðsynlegt, þegar takast þarf á við sameiginlegar áskoranir að móta sér stefnu og áætlanir. Þá þarf að sameina kraftana og því brýnt að allir hlutaðeigandi komi að lausnum svo að þær nýtist á fjölþættan hátt. Með virkri stefnumótun næst meiri árangur fyrir samfélagið, hún leiðir til aukinnar samvinnu milli málaflokka, meira gagnsæi, betri nýting fjármuna og aukinna lífsgæða.
Frumvarpið er í samræmi við áherslur sáttmála um ríkisstjórnarsamstarfs Framsóknarflokks, Sjálfstæðisflokks og Vinstrihreyfingarinnar – græns framboðs en fram kemur í sáttmálanum að ein af áherslunum er að samþætta áætlanir í samgöngumálum, húsnæðismálum og skipulagsmálum og lagðar fram samhliða.
Umsagnir voru birtar jafnóðum og þær bárust. Skoða umsagnir.
Samgönguskrifstofa
irn@irn.is