Til umsagnar
7.–23.11.2022
Í vinnslu
24.2022–13.11.2023
Samráði lokið
14.11.2023
Mál nr. S-211/2022
Birt: 7.11.2022
Fjöldi umsagna: 11
Áform um lagasetningu
Innviðaráðuneytið
Sveitarfélög og byggðamál
Sjá samtengt mál og hlekk á frumvarp til laga um Jöfnunarsjóð sveitarfélaga.
Helsta breytingin á regluverki Jöfnunarsjóðs verður nýtt líkan sem leysir núverandi tekjujöfnunar-, útgjaldajöfnunar-, fasteignaskatts- og grunnskólaframlög af hólmi.
Stefna stjórnvalda er snýr að Jöfnunarsjóði sveitarfélaga, sem fram kemur í fjármálaætlun 2023-2027, er sú að Jöfnunarsjóður endurspegli breytingar á sveitarstjórnarstiginu og bæti gæði jöfnunarframlaga sjóðsins. Einnig sé þörf á að einfalda útreikninga og skipulag sjóðsins og bæta þar með heildarsýn yfir starfsemi hans.
Markmið lagasetningarinnar er að styðja ofangreinda stefna. Þau eru eftirfarandi:
1. Að sjóðurinn fylgi þróun sveitarfélagagerðarinnar
2. Að sjóðurinn styðji betur við bakið á millistórum sveitarfélögum sem eru með flóknar útgjaldaþarfir
3. Að í regluverki sjóðsins séu innbyggðir hvatar til sameiningar sveitarfélaga
4. Að regluverkið stuðli enn frekar að sjálfbærni sveitarfélaga
5. Að sjóðurinn styðji áfram við veikari byggðir með sérstökum framlögum
6. Að leiðarljós breytinganna verði einföldun regluverks og aukið gagnsæi
Helsta breytingin verður nýtt einfalt og gagnsætt líkan sem sameinar framangreind framlög Jöfnunarsjóðs í eitt framlag. Nýtt jöfnunarlíkan mun byggja á þremur meginstoðum: jöfnun vegna ólíkra tekjumöguleika, jöfnun vegna ólíkrar útgjaldaþarfar og jöfnun vegna sérstakra áskorana. Mun útreikningur framlaga fara fram í þessari röð og hver meginstoð nýtir útkomu þeirrar sem á undan er sem byrjunarreit.
Til greina kemur að breyta III. kafla laga um tekjustofna sveitarfélaga, nr. 4/1995, sem fjallar um Jöfnunarsjóð sveitarfélaga. Þá kemur einnig til greina að leggja til sérlög sem kveða á um Jöfnunarsjóð sveitarfélaga.
Umsagnir voru birtar jafnóðum og þær bárust. Skoða umsagnir.
Skrifstofa sveitarfélaga og byggðamála
irn@irn.is