Tímalína máls
Til umsagnar
2.–30.12.2022
Í vinnslu
31.12.2022–
Samráði lokið
Mál nr. S-239/2022
Birt: 2.12.2022
Fjöldi umsagna: 0
Áform um lagasetningu
Matvælaráðuneytið
Sjávarútvegur og fiskeldi
Áform um lagasetningu - Breyting á lögum um stjórn fiskveiða og um veiðar í fiskveiðilandhelgi Íslands (veiðistjórn grásleppu)
Málsefni
Áformað er að hlutdeildarsetja grásleppu, aflahlutdeild einstakra skipa verði ákveðin með tilliti til aflareynslu á tilteknu tímabili, svæðisskiptingu aflaheimilda, nýliðunaraflamark o.fl.
Nánari upplýsingar
Lagt til að hlutdeildarsetja grásleppu og að aflahlutdeild einstakra skipa skuli ákveðin með tilliti til aflareynslu sem fengin hafi verið á grundvelli leyfis sem skráð er á viðkomandi skip á tilteknu tímabili. Áformað er að samanlögð aflahlutdeild fiskiskipa í eigu einstakra aðila, einstaklinga eða lögaðila, eða í eigu tengdra aðila, nemi aldrei hærra hlutfalli af heildaraflahlutdeild í grásleppu en 2%.
Þá er lagt til að aflaheimildir í grásleppu verði svæðisskiptar og að framsal aflaheimilda verði eingöngu heimilt innan tiltekinna svæða og framsal milli svæða óheimilt. Þannig verði tryggt að aflaheimildir hverfi ekki af tilteknum svæðum en veiti samt sem áður möguleika til hagkvæmari veiða innan svæðanna.
Einnig er áformað að mæla fyrir um nýliðunarpott fyrir grásleppu í gegnum 5,3% kerfið og Fiskistofu verði falið að halda utan um úthlutun þess til nýliða. Bent hefur verið á að ekki hefur verið mikil nýliðun í grásleppuveiðum síðast liðin 10 ár þrátt fyrir að kostnaður við að hefja veiðar sé ekki hár. Ef að hlutdeildarsetning leiðir til aukinnar hagkvæmni í greininni er hugsanlegt að verðmæti aflaheimilda muni aukast og því verði kostnaðarsamara að hefja grásleppuveiðar verði frumvarpið að lögum. Áformað er að ráðherra verði veitt heimild til setningar reglugerðar um nýliðunaraflamark, þar sem komi fram hverjir geti sótt um nýliðunaraflamark, á hvaða tímamarki, hámarksaflamark fyrir nýliða og hvernig ráðstafa skuli því nýliðunaraflamarki sem ekki er sótt um.
Áformað er að verði frumvarpið að lögum þá muni gildistaka laganna miðast við veiðitímabil grásleppu á fiskveiðiárinu 2023/2024.
Í vinnslu
Umsagnir voru birtar jafnóðum og þær bárust. Skoða umsagnir.
Tenging við önnur mál (2)
Umsjónaraðili
Skrifstofa sjávarútvegs
mar@mar.is