Til umsagnar
8.–23.12.2022
Í vinnslu
24.12.2022–5.7.2023
Samráði lokið
6.7.2023
Mál nr. S-243/2022
Birt: 8.12.2022
Fjöldi umsagna: 10
Drög að reglugerð
Umhverfis-, orku- og loftslagsráðuneytið
Umhverfismál
Tíu umsagnir bárust um drögin í gegnum Samráðsgátt. Í þeim fólust gagnlegar ábendingar og upplýsingar sem hafðar voru til hliðsjónar við frekari vinnu við reglugerðardrögin.
Umsagna er óskað um drög að nýrri reglugerð um meðhöndlun úrgangs, sem til stendur að setja á grundvelli laga um meðhöndlun úrgangs nr. 55/2003.
Reglugerðin mun koma í stað núgildandi reglugerðar um meðhöndlun úrgangs, nr. 737/2003.
Helstu nýmæli í reglugerðinni eru tilkomin vegna breytinga á lögum um meðhöndlun úrgangs, sbr. breytingalög nr. 103/2021 sem m.a. innleiða endurskoðaða tilskipun Evrópusambandsins 2008/98/EB um úrgang og skapa skilyrði fyrir myndun hringrásarhagkerfis.
Í reglugerðardrögunum er m.a. að finna ítarlegra ákvæði um svæðisáætlanir sveitarfélaga en verið hefur. Þar eru uppfærð töluleg markmið og viðmiðanir um undirbúning fyrir endurnotkun, endurvinnslu, endurnýtingu og förgun og nánari skilyrði eru fyrir undanþáguheimild frá ákvæði laga um meðhöndlun úrgangs um sérstaka söfnun tiltekinna úrgangstegunda, sem og ákvæði og viðauki um samræmdar merkingar úrgangstegunda.
Óskað er eftir að umsagnir um drög að reglugerð um meðhöndlun úrgangs berist eigi síðar en 23. desember 2022.
Umsagnir voru birtar jafnóðum og þær bárust. Skoða umsagnir.
urn@urn.is