Samkvæmt stjórnarsáttmála ríkisstjórnarinnar á Ísland að verða vagga nýrra lausna á grunni auðlinda, þekkingar og staðsetningar. Styðja á við græna atvinnuuppbyggingu og fjárfestingar ásamt því að greiða götu verkefna, m.a. á sviði föngunar, geymslu og förgunar kolefnis, uppbyggingu hringrásarhagkerfis með fjölnýtingu orkustrauma og orkuskipta.

Umhverfis-, orku- og loftslagsráðuneytið rekur tvo sjóði, Orkusjóð og Loftslagssjóð, sem styrkja verkefni sem tengjast orkuskiptum og nýsköpun á sviði loftslagsmála. Þá hefur ráðuneytið veitt styrki til verkefna á málaefnasviði ráðuneytisins sem og styrki til innleiðingar á hringrásarhagkerfinu. Með frumvarpinu er ætlunin að sameina framangreindar styrkveitingar á eina hendi.