Í stjórnarsáttmála ríkisstjórnar Framsóknarflokks, Sjálfstæðisflokks og Vinstri hreyfingarinnar-græns framboðs kemur fram að stjórnsýsla loftslagsmála verði styrkt og að hlutverk Loftslagsráðs tekið til endurskoðunar með aukinni áherslu á ráðgefandi hlutverk og vísindastarf auk aðhalds- og eftirlitshlutverks gagnvart stjórnvöldum.

Greining á hlutverki Loftslagsráðs er í vinnslu en sú greining mun styðja við ákvörðun um hvort og þá hvernig þurfi að bregðast við framangreindum markmiðum í stjórnarsáttmála. Einnig er ráðgert að endurskoða ákvæði laganna um loftslagsstefnu ríkisins og sveitarfélaga með tilliti til hlutverks Umhverfisstofnunar.

Ákvæði 5. gr. b. (Loftslagsráð) og 5. gr. c. laganna (Loftslagsstefna ríkis og sveitarfélaga) voru sett með breytingu á loftslagslögum árið 2019. Það er því komin þriggja ára reynsla af ákvæðunum og vert að yfirfara hvort þörf sé á breytingum í ljósi yfirlýsts markmiðs ríkisstjórnarinnar