Til umsagnar
4.–22.1.2023
Í vinnslu
23.1.2023–
Samráði lokið
Mál nr. S-2/2023
Birt: 4.1.2023
Fjöldi umsagna: 20
Drög að stefnu
Forsætisráðuneytið
Réttindi einstaklinga, trúmál og stjórnsýsla dómsmála
Aðgerðirnar eru margvíslegar og miða allar að því að bæta stöðu og réttindi fólks sem eru í viðkvæmri stöðu fyrir að verða fyrir hatursorðræðu til hagsbóta fyrir samfélagið allt.
Drögin að þingsályktuninni voru unnin af starfshópi forsætisráðherra um aðgerðir gegn hatursorðræðu sem skipaður var 16. júní 2022. . Aðgerðirnar eru samtals 22. Aðgerð nr. 3 skiptist í fimm stafliði (3a-3e) en í öllum tilvikum er um að ræða sjálfstæðar aðgerðir með mismunandi ábyrgðaraðilum.
Þær aðgerðir sem gerð er tillaga um í aðgerðaáætluninni eru margvíslegar og snerta sumar mörg svið og þar af leiðandi fleira en eitt ráðuneyti, sem og stofnanir, sveitarfélög, hagsmunasamtök o.fl. Níu ráðuneyti taka þátt og bera ábyrgð á því að þeirra aðgerð/ir komist til framkvæmda. Sérstakt mælaborð sem birt verður á sérstöku vefsvæði forsætisráðuneytisins um hatursorðræðu mun sýna fram á framgang einstakra verkefna.
Þar sem mikilvægt þótti að auka þekkingu og búa til farveg fyrir málefnalega umræðu gegn hatursorðræðu og fræðast um birtingarmyndir hennar er mikil áhersla lögð á fræðslutengd verkefni í áætluninni sem og vitundarvakningu. Aðrar aðgerðir gera ráð fyrir breytingu á lögum og verklagsreglum, gerð úttektar og könnunar o. fl. Einnig er gert ráð fyrir að sérstakur framkvæmdasjóður vegna verkefna gegn hatursorðræðu verði settur á fót.
Í starfshópnum áttu sæti fulltrúar frá félags- og vinnumarkaðsráðuneyti, dómsmálaráðuneyti, Jafnréttisstofu, Mannréttindaskrifstofu Íslands, Fjölmenningarsetri, embætti ríkislögreglustjóra, mennta- og barnamálaráðuneyti og Sambandi íslenskra sveitarfélaga. Jafnframt voru þrír fulltrúar skipaðir af forsætisráðherra án tilnefningar. Víðtækt samráð var haft við hagsmunaaðila við gerð áætlunarinnar. Í september 2022 voru haldnir sérstakir samráðsfundir með fulltrúum á þriðja tug hagsmunasamtaka og sérfræðinga. Auk almennra umræðna var á samráðsfundunum sérstaklega óskað eftir upplýsingum frá samtökunum um hvað að þeirra mati mætti betur fara í málaflokknum og til hvaða aðgerða þau telji að grípa skuli til. Þann 25. október 2022 hélt forsætisráðherra opinn samráðsfund um aðgerðir gegn hatursorðræðu í Hörpu þar sem fólki gafst færi á að fræðast og ræða hugmyndir og aðgerðir til að sporna við hatursorðræðu. Þátttakendur voru um 100 talsins og byggist grunnur aðgerðaáætlunar þessarar á framangreindu samráði við hagsmunaaðila.
Umsagnir voru birtar jafnóðum og þær bárust. Skoða umsagnir.
Skrifstofa jafnréttis-og mannréttindamála
for@for.is