Eftirlitsstofnun EFTA (ESA) hefur haft til skoðunar lög og reglur sem varða kröfur tilskipunar ESB nr. 2009/72/EB um sjálfstæði raforkueftirlits. Að mati ESA tryggja raforkulög nr. 65/2003 og lög um Orkustofnun nr. 87/2003 ekki fyllilega sjálfstæði raforkueftirlits eins og gerð er krafa um í tilskipun ESB.

Í núgildandi raforkulögum og lögum um Orkustofnun kemur fram að stofnunin sé sjálfstæð í ákvörðunum sínum þegar hún sinnir raforkueftirliti samkvæmt raforkulögum.

Helstu athugasemdir ESA gagnvart löggjöfinni eru að:

• Skortur sé á skýrri aðgreiningu raforkueftirlitsins og Orkustofnunar

• Ekki sé gerð krafa um að raforkueftirlitið setji sér eigin starfsreglur

• Sjálfstæði raforkueftirlits gagnvart Orkumálastjóra sé ekki fullnægjandi

• Fjárveiting Orkustofnunar og raforkueftirlitsins sé ekki aðskilin.

Áform um lagasetninguna eru opin til samráðs til 7. febrúar nk.