Til umsagnar
26.1.–13.2.2023
Í vinnslu
14.2.2023–
Samráði lokið
Mál nr. S-20/2023
Birt: 26.1.2023
Fjöldi umsagna: 2
Áform um lagasetningu
Umhverfis-, orku- og loftslagsráðuneytið
Orkumál
Umhverfis-, orku- og loftslagsráðuneytið kynnir áform um frumvarp til laga um neyðarbirgðir eldsneytis
Í íslenskri löggjöf er ekki tilgreindur aðili sem ber ábyrgð á að til séu neyðarbirgðir eldsneytis eða hversu miklar þær skulu vera. Engin krafa er sett á stjórnvöld eða atvinnulíf að halda uppi lágmarksbirgðum eldsneytis sem nýta mætti í aðstæðum sem takmarka eða útiloka afgreiðslu eldsneytis til Íslands. Á meðan Ísland er háð jarðefnaeldsneyti getur skortur á því takmarkað mjög hefðbundna virkni samfélagsins. Vöruflutningar, samgöngur og atvinnulíf getur lamast ef ekki er til taks orkugjafi til að knýja slíkt áfram.
Í orkustefnu fyrir Ísland kemur fram að nægt framboð eldsneytis sé forsenda öryggis á fjölmörgum sviðum, m.a. fæðuöryggis, almennra samgangna, löggæslu og sjúkraflutninga. Þar er gert ráð fyrir að öryggisbirgðir olíu verði tiltækar í því skyni að tryggja orkuöryggi og efnahagslegan stöðugleika þar til orkuskiptum er náð.
Áformað er að leggja fram nýja heildarlöggjöf um birgðahald jarðefnaeldsneytis. Birgðaskyldan verði innleidd í skrefum yfir nokkurra ára tímabil. Orkustofnun fari með eftirliti með með framkvæmd laganna.
Áform um lagasetninguna eru opin til samráðs til 13. febrúar nk.
Umsagnir voru birtar jafnóðum og þær bárust. Skoða umsagnir.
Magnús Dige Baldursson
magnus.baldursson@urn.is