Til umsagnar
27.1.–10.2.2023
Í vinnslu
11.2.–19.10.2023
Samráði lokið
20.10.2023
Mál nr. S-21/2023
Birt: 27.1.2023
Fjöldi umsagna: 3
Drög að frumvarpi til laga
Heilbrigðisráðuneytið
Sjúkrahúsþjónusta
Málið samþykkt á Alþingi í maí 2023.
Frumvarp til laga um breytingu á lögum um heilbrigðisstarfsmenn (heimilisofbeldi).
Í ríkisstjórnarsáttmála núverandi ríkisstjórnar kemur fram að áfram skuli unnið markvisst að aðgerðum gegn kynbundnu ofbeldi, að réttarstaða brotaþola skuli bætt og forvarnir og fræðsla skuli efld. Réttarstaða brotaþola verði bætt með skýrari heimild heilbrigðisstarfsfólks til að bregðast við einni birtingarmynd kynbundins ofbeldis, sem er heimilisofbeldi. Þannig myndi verða til tenging milli heilbrigðiskerfisins og réttarvörslukerfisins.
Með því frumvarpi sem hér er kynnt til samráðs er lagt til að skýrt verði kveðið á um í lögum að heilbrigðisstarfsmenn hafi heimild til að tilkynna lögreglu um heimilisofbeldi að beiðni sjúklings.
Tilgangur frumvarpsins er að uppfylla markmið ríkisstjórnarsáttamálans, ásamt því að íslensk stjórnvöld, þ.m.t. heilbrigðisstofnanir, uppfylli betur þau sjónarmið sem sett eru fram í samningi Evrópuráðsins um forvarnir og baráttu gegn ofbeldi á konum og heimilisofbeldi. Samningurinn var fullgiltur hér á landi þann 9. maí 2018.
Frestur til að skila inn umsögnum um frumvarpið er til og með 10. febrúar 2023.
Umsagnir voru birtar jafnóðum og þær bárust. Skoða umsagnir.
Skrifstofa sjúkrahúsa og sérþjónustu
hrn@hrn.is