Heilbrigðisráðuneytið birtir til umsagnar drög að reglugerð um breytingu á reglugerð nr. 241/2004 um val, geymslu og meðferð lyfja á sjúkrahúsum og öðrum heilbrigðisstofnunum.

Breytingarnar fela í sér að heilbrigðisstarfsmenn, til viðbótar við hjúkrunarfræðinga og ljósmæður, sem koma að lyfjameðferð sjúklings á heilbrigðisstofnun og uppfylla náms- og þjálfunarkröfur sem embætti landlæknis setur, megi taka lyf úr lyfjageymslu, sinna lyfjatiltekt og skammta sjúklingi lyf.

Heilbrigðisráðuneytið mun fela embætti landlæknis að móta náms- og þjálfunarkröfur, eftir mismunandi lyfjaformum og lyfjategundum, sem eru nauðsynlegar til að heilbrigðisstarfsmaður teljist hafa þá færni sem krafist er m.t.t. öryggi sjúklinga sem liggja á heilbrigðisstofnunum.