Tímalína máls
Til umsagnar
16.2.–2.3.2023
Í vinnslu
3.3.2023–
Samráði lokið
Skjöl til samráðs
Mál nr. S-36/2023
Birt: 16.2.2023
Fjöldi umsagna: 5
Drög að reglugerð
Umhverfis-, orku- og loftslagsráðuneytið
Umhverfismál
Breyting á reglugerð um umhverfismat framkvæmda og áætlana
Málsefni
Umhverfis-, orku- og loftslagsráðuneytið kynnir drög að breytingu á reglugerð er varðar landfræðilega gagna- og samráðsgátt um umhverfismat og skipulag.
Nánari upplýsingar
Þann 1. desember sl. tóku gildi ákvæði skipulagslaga og laga um umhverfismat framkvæmda og áætlana sem fela Skipulagsstofnun að starfrækja landfræðilega gagna- og samráðsgátt um skipulag, þ.m.t. gerð landsskipulagsstefnu, umhverfismat og leyfisveitingar. Nota skal gáttina við skipulagsgerð og útgáfu framkvæmdaleyfa og verða þar birt gögn, ákvarðanir og umsagnir vegna umhverfismats framkvæmda og áætlana og leyfa til framkvæmda. Aðgangur að gáttinni er öllum opinn og án endurgjalds.
Gagna- og samráðsgátt um umhverfismat og skipulag er einn liður í stefnumörkun stjórnvalda um eflingu rafrænnar stjórnsýslu og stafrænnar þjónustu stofnana ríkisins. Opið, stafrænt aðgengi að gögnum um umhverfismat stuðlar að markmiðum um að efla þátttöku almennings í umhverfismatsferlinu, leiðir til minna flækjustigs, styttir boðleiðir og eykur yfirsýn og gagnsæi ferla.
Reglugerðardrögin fela í sér breytingu á núgildandi reglugerð um umhverfismat framkvæmda og áætlana. Með breytingunni verða ákvæði reglugerðarinnar samræmd ákvæðum laga um umhverfismat framkvæmda og áætlana sem fjalla um gagna- og samráðsgáttina.
Frestur til veitingu umsagna er til 2. mars nk.
Í vinnslu
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa stefnumótunar og innleiðingar
postur@urn.is