Umsagnarfrestur er liðinn (09.05.2023–23.05.2023).
Umsagnir voru birtar jafnóðum og þær bárust. Skoða umsagnir.
Niðurstöður samráðsins verða birtar þegar unnið hefur verið úr þeim ábendingum og athugasemdum sem bárust.
Dómsmálaráðuneytið hefur unnið drög að breytingu á reglugerð um útlendinga nr. 540/2017 hvað varðar skilgreiningu á hugtakinu sérstök tengsl.
Í 2. mgr. 36. gr. laga um útlendinga nr. 80/2016 kemur fram að hafi umsækjandi um alþjóðlega vernd slík sérstök tengsl við landið að nærtækast sé að hann fái hér vernd eða að sérstakar aðstæður mæli með því skuli taka umsóknina til efnismeðferðar. Hugtökin „sérstakar ástæður“ og „sérstök tengsl“ hafa verið skilgreind í gildandi reglugerð um útlendinga, sbr. 32. gr. a og b. Með breytingu þessari er hugtakið „sérstök tengsl“ skilgreint með ítarlegri hætti en gildandi ákvæði 32. gr. b reglugerðarinnar gerir.
Meðfylgjandi er umsögn Mannréttindaskrifstofu Íslands um drög dómsmálaráðuneytisins að breytingu á reglugerð um útlendinga nr. 540/2017 hvað varðar skilgreiningu á hugtakinu sérstök tengsl.
Viðhengi