Listaháskóli Íslands hefur hlotið viðurkenningu á fræðasviðinu listir í undirflokkunum myndlist, leiklist og dans, tónlist, kvikmyndagerð, hönnun- og arkitektúr og listkennsla sbr. 3. gr. laga um háskóla nr. 63/2006.

Háskóla-, iðnaðar og nýsköpunarráðuneyti hyggst gera samning til fimm ára um kennslu og rannsóknir við Listaháskóla Íslands með fyrirvara um staðfestingu fjármála- og efnahagsráðherra. Samningurinn mun fjalla um námsframboð Listaháskóla Íslands og verður samningurinn gerður á grundvelli heimildar í 21. gr. laga um háskóla nr. 63/2006, sbr. 40. gr. laga um opinber fjármál nr. 123/2015. Áætlað er að samningurinn gildi frá undirritun samnings og að árlegt framlag til háskólans verði 1,7 ma. kr.

Athugasemdir við fyrirhugaða samningsgerð skulu hafa borist í Samráðsgátt stjórnvalda fyrir dagslok 26. maí 2023.