Til umsagnar
30.5.–13.6.2023
Í vinnslu
14.6.–27.9.2023
Samráði lokið
28.9.2023
Mál nr. S-103/2023
Birt: 30.5.2023
Fjöldi umsagna: 20
Áform um lagasetningu
Umhverfis-, orku- og loftslagsráðuneytið
Umhverfismál
Viðbrögð við umsögnum er að finna í drögum að frumvarpi til laga um Loftslagsstofnun, frumvarpi til laga um Náttúruverndar- og minjastofnun og frumvarpi til laga um breyt. á lögum um Náttúrufræðistofnun Íslands, og náttúrustofur (sameining NÍ, LMÍ og Ramý).
Áformað er að vinna frumvörp til laga um Loftslagsstofnun, Náttúruverndar- og minjastofnun og Náttúruvísindastofnun í tilefni af sameiningaráformum sem varða 10 stofnanir ráðuneytisins.
Um er að ræða áform um sameiningu tíu stofnana í þrjár öflugar stofnanir, Náttúruverndar- og minjastofnun, Náttúruvísindastofnun og Loftslagsstofnun. Megináhersla er lögð á að tryggja áfram fyrirliggjandi mannauð og þekkingu og að starfsfólk njóti forgangs til nýrra starfa. Vinna hófs fyrir ári síðan við að greina tækifæri til endurskipulagningar á stofnanakerfi ráðuneytisins. Gert er ráð fyrir skýrum kjarna í starfsemi hverrar stofnunar og lögð áhersla á sveigjanleika í tilfærslum verkefna milli stofnana til að auka árangur, skilvirkni og hagræðingu. Meginmarkmið sameiningarinnar er að:
Til verði stærri, kröftugri og faglega öflugri stofnanir sem geti tekist á við áskoranir til framtíðar og unnið að markmiðum Íslands í umhverfismálum.
Efla þekkingar- og fræðasamfélag og nýsköpun í opinberum rekstri.
Fjölga störfum á landsbyggðinni og störfum óháð staðsetningu
Nýta betur þekkingu og innviði og auka sveigjanleika til að takast á við stór verkefni.
Einfalda áætlanagerð og auka rekstrarhagkvæmni.
Tryggja aðkomu nærsamfélaga að þjóðgörðum og friðlýstum svæðum.
Umsagnir voru birtar jafnóðum og þær bárust. Skoða umsagnir.
Skrifstofa yfirstjórnar
urn@urn.is