Heilbrigðisráðuneytið birtir til umsagnar drög að reglugerð um (3.) breytingu á reglugerð nr. 740/2020 um lyfjaávísanir og afhendingu lyfja.

Annars vegar fela breytingarnar í sér heimild lyfjafræðinga til að loka lyfjaávísunum í ákveðnum tilfellum, einkum þegar tvær lyfjaávísanir sama efnis eru í gangi á sama tíma.

Hins vegar er gert ráð fyrir að lækni, eða öðrum heilbrigðisstarfsmönnum sem heimild hafa til að ávísa lyfjum, verði heimilt að ávísa lyfjum í minna magni en fáanlegum pakkastærðum.

Þá verður upplýsingaskylda við sjúkling sem fær afhent lyf einnig aukin, einkum í tilfelli undanþágulyfja og ávana- og fíknilyfja.