Tímalína máls
Til umsagnar
15.–22.3.2018
Í vinnslu
23.3.–22.11.2018
Samráði lokið
23.11.2018
Skjöl til samráðs
Fylgiskjöl
Mál nr. S-35/2018
Birt: 15.3.2018
Fjöldi umsagna: 1
Drög að frumvarpi til laga
Matvælaráðuneytið
Ferðaþjónusta
Frumvarp til breytinga á lögum um veitingastaði, gististaði og skemmtanahald, nr. 85/2007.
Niðurstöður
Frumvarpið var ekki lagt fram.
Málsefni
Í frumvarpinu felast breytingar á lögum nr. 85/2007 sem snerta annars vegar ákvæði 17. gr. um tækifærisleyfi og hins vegar nokkur ákvæði er varða heimagistingu, leyfisveitingar, niðurfellingu leyfa og viðurlög við brotum.
Nánari upplýsingar
Frumvarpið er samið í atvinnuvega- og nýsköpunarráðuneytinu en í samráði við dómsmálaráðuneytið og samgöngu- og sveitarstjórnarráðuneytið. Efnisatriði þess eru aðallega þrjú; í fyrsta lagi breytingar á ákvæðum sem varða tækifærisleyfi í 17. gr. gildandi laga, í öðru lagi breytingar sem varða heimagistingu, eftirlit og viðurlög við brotum á reglum sem um hana gilda og í þriðja lagi breytingar sem varða leyfisveitingarferlið og brottfall rekstrarleyfis.
Verði frumvarp þetta að lögum er líklegt að fleiri viðburðir geti talist falla undir ákvæði 17. gr. um tækifærisleyfi og þar af leiðandi geti fleiri verið krafðir um greiðslu hlutdeildar í löggæslukostnaði. Með breytingum á öðrum ákvæðum í frumvarpinu er stefnt að því að sníða nokkra vankanta af framkvæmd leyfisveitinga og skráningu heimagistingar eftir að lagabreyting skv. lögum nr. 67/2016 tóku gildi þann 1. janúar 2017. Þeir varða aðallega styrkingu lagastoðar fyrir viðurlögum við heimagistingu,stjórnvaldssektir við því að skila ekki nýtingaryfirliti í heimagistingu og staðfestingu á heimild til niðurfellingar rekstrarleyfis hafi umsagnir við leyfisumsókn verið rangar í upphafi eða skilyrði og kröfur til rekstrarins hafi breyst.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa ferðamála
brynhildur.palmarsdottir@anr.is