Til umsagnar
15.–30.8.2023
Í vinnslu
31.8.–9.10.2023
Samráði lokið
10.10.2023
Mál nr. S-150/2023
Birt: 15.8.2023
Fjöldi umsagna: 1
Áform um lagasetningu
Matvælaráðuneytið
Sjávarútvegur og fiskeldi
Ein umsögn barst við áform um lagasetningu. Unnið verður úr umsögn við gerð frumvarps sem síðan verður birt í samráðsgátt.
Frumvarpið mun fjalla um heimild matvælaráðherra til að veita veiðileyfi til prófana á vinnslu- og veiðarfærabúnaði sem settur hefur verið í skip hér á landi.
Frumvarpið mun mæla fyrir um breytingu á 13. gr. laga nr. 79/1997, veiðar í fiskveiðilandhelgi Íslands, þar sem matvælaráðherra verði veitt heimild að veita skilyrt, takmörkuð og tímabundin leyfi til veiða til að prófa nýjan vinnslu- og veiðarfærabúnað í skipum, sem ekki hafa veiðileyfi. Aðilar sem hafa verið að hanna og þjónusta vinnslu- og veiðarfærabúnað í fiskiskip hafa ekki getað látið fara fram prófanir hér við land á búnaðinum eftir ísetningu í skip hér á landi. Þannig mun breytingin stuðla að aukinni samkeppnishæfni þessara fyrirtækja.
Gert verður ráð fyrir að öllum afla verði skilað til viðurkennds uppboðsmarkaðs á Íslandi fyrir sjávarafurðir og andvirði aflans renni til Verkefnasjóðs sjávarútvegsins. Þá verði heimild til að taka sérstakt gjald fyrir afla, sem rennur í ríkissjóð. Prófanir skulu að jafnaði fara fram undir eftirliti Hafrannsóknastofnunar, Landhelgisgæslunnar eða Fiskistofu.
Umsagnir voru birtar jafnóðum og þær bárust. Skoða umsagnir.
Skrifstofa sjávarútvegs
mar@mar.is