Í kjölfar umræðu í þjóðfélaginu um afhendingu lyfja til einstaklinga yngri en 18 ára birtir heilbrigðisráðuneytið til umsagnar tillögu að breytingu á drögum að frumvarpi sem nú er til umsagnar, sbr. mál nr. 174/2023.

Í breytingunni felst að bætt er við lagastoð sem felur í sér heimild til handa ráðherra til að kveða á um aldurstakmarkanir á afhendingu lyfja til einstaklinga yngri en 18 ára í reglugerð.

Nái frumvarpið fram að ganga og verði að lögum á Alþingi mun vinna fara af stað við að útfæra slíkar takmarkanir í reglugerð sem verður unnin í breiðu samráði við hagsmunaaðila.

Samráð stendur yfir til 5. nóvember nk. Hægt er að senda inn umsagnir varðandi aldursskilyrðin undir þetta mál eða mál nr. 174/2023.