Áformuð lagasetning er hluti af heildarendurskoðun á örorkulífeyrishluta almannatrygginga. Markmiðið er afkomuvernd fyrir þá sem eru með fullt örorkumat en hafa ekki búið nægjanlega lengi á Íslandi til þess að öðlast full réttindi til örorkulífeyris hér á landi. Gert er ráð fyrir að um verði að ræða félagslegan stuðning, hliðstæðan þeim sem veittur er öldruðum. Stuðningurinn verði á vegum ríkisins og greiðist eingöngu þeim sem eru löglega búsettir og dveljast á Íslandi.