Lögð er til breyting á ákvæðum reglugerðarinnar er varða búningsaðstöðu á sund- og baðstöðum. Reglugerðarbreytingin er liður í framkvæmd Aðgerðaáætlunar í málefnum hinsegin fólks, sem samþykkt var á Alþingi í júní 2022, og miðar að því að tryggja að tekið sé tillit til trans fólks og fólks með hlutlausa kynskráningu í ákvæðum sem snúa að aðgengi að salernum og annarri aðstöðu, s.s. búningsaðstöðu. Í nýjum húsakynnum og við meiriháttar breytingar á húsnæði sund- og baðstaða er lagt til að til staðar verði kynhlutlaus búningsaðstaða með a.m.k. einni sturtu og salerni. Einnig er tilgreint hvað er átt við með meiri háttar breytingum á húsnæði.

Jafnframt er lögð til minniháttar breyting á skýringum í viðauka II við reglugerðina, tölulið 5, hvað varðar síunarhraða.