Samráð fyrirhugað 30.04.2018—10.05.2018
Til umsagnar 30.04.2018—10.05.2018
Niðurstöður í vinnslu frá 10.05.2018
Niðurstöður birtar 19.12.2018

Drög að frumvarpi til laga um breyting á lögum nr. 88/1991, um aukatekjur ríkissjóðs, með síðari breytingum (dvalarleyfi vegna samninga við erlend ríki).

Mál nr. S-51/2018 Birt: 30.04.2018 Síðast uppfært: 19.12.2018
  • Fjármála- og efnahagsráðuneytið
  • Drög að frumvarpi til laga
  • Málefnasvið:
  • Skatta-, eigna- og fjármálaumsýsla
  • Utanríkismál
  • Réttindi einstaklinga, trúmál og stjórnsýsla dómsmála

Niðurstöður birtar

Skoða niðurstöður

Ferill máls

Málið var opið til umsagnar í gáttinni á tímabilinu 30.04.2018–10.05.2018. Umsagnir voru birtar jafnóðum og þær bárust. Skoða umsagnir. Unnið var úr þeim ábendingum og athugasemdum sem bárust og niðurstöður samráðsins birtar 19.12.2018.

Málsefni

Til þess að stuðla að því samningar náist um tímabundna dvöl ungmenna erlendis og hérlendis er lagt til að útlendingar sem hingað koma á grundvelli slíkra samninga verði undanþegnir gjaldi fyrir dvalarleyfi.

Samkvæmt ákvæði 32. tölul. 1. mgr. 14. gr. laga nr. 88/1991, um aukatekjur ríkissjóðs, ber að greiða 15.000 kr. gjald fyrir afgreiðslu umsóknar um dvalarleyfi hér á landi. Íslenskum stjórnvöldum er heimilt að gera samning við erlent ríki um dvöl ríkisborgara þess hér á landi í þeim tilgangi að kynna sér landið og menningu þess, sbr. 66. gr. laga nr. 80/2016, um útlendinga. Með frumvarpinu er lagt til að þeir sem fá dvalarleyfi á grundvelli slíks samnings verði í ákveðnum tilfellum undanþegnir gjaldtöku fyrir afgreiðslu umsóknar um dvalarleyfi. Þar sem afgreiðslugjaldið er innheimt á grundvelli lögbundinnar gjaldtökuheimildar verður aðeins vikið frá gjaldskyldunni með breytingu á lögum.