Viðauki VI við MARPOL-samninginn fjallar um varnir gegn loftmengun frá skipum. Íslensk stjórnvöld fullgiltu MARPOL-viðauka VI, 22. nóvember 2017 og er reglugerðin sett til innleiðingar á viðaukanum. Reglugerð nr. 586/2017 um innleiðingu viðauka við alþjóðasamning um varnir gegn mengun frá skipum innleiðir þá viðauka við MARPOL-samninginn sem Ísland hefur fullgilt. Reglugerðin vísar í birtingu viðaukanna á ensku í C-deild Stjórnartíðinda.

Gert er ráð fyrir að sami háttur verði hafður á við innleiðingu á viðauka VI. Hann verði innleiddur með breytingu á reglugerð nr. 586/2017 og birtur í heild sinni á ensku í C-deild Stjórnartíðinda.

Tekið er fram í séríslensku ákvæði vegna innleiðingar viðauka VI, hvað varði ósoneyðandi efni, brennisteinsoxíð að reglugerðir sem í gildi eru hér á landi og gangi lengra, gildi einnig.