Tímalína máls

1

Til umsagnar

  • 1.7.–24.8.2018

2

Í vinnslu

  • 25.8.2018–13.9.2021

3

Samráði lokið

  • 14.9.2021

Skjöl til samráðs

Mál nr. S-84/2018

Birt: 29.6.2018

Fjöldi umsagna: 5

Annað

Innviðaráðuneytið

Samgöngu- og fjarskiptamál

Umhverfismat samgönguáætlunar 2019-2033 til kynningar

Niðurstöður

Umhverfisskýrsla samgönguáætlunar var lögð fram til kynningar, umsagna og athugasemda þann 29. júní 2018 og var frestur til að skila athugasemda og umsagna var til 24. ágúst . Alls bárust umsagnir og athugasemdir frá 17 aðilum. Athugasemdirnar sneru flestar að losun gróðurhúsalofttegunda frá samgöngum, leiðum til að draga úr þeim m.a. með orkuskiptum, vatnsvernd og stað- og svæðisbundinni mengun. Meðfylgjandi er yfirlit yfir þær breytingar sem gerðar voru í kjölfar umsagnartíma.

Málsefni

Samgönguráð auglýsir umhverfismat tillögu að samgönguáætlun 2019-2033 til kynningar skv. lögum nr. 105/2006 um umhverfismat áætlana. Mörkuð er stefna fyrir allar greinar samgangna næstu fimmtán ár. Með umhverfismatinu hafa verið skilgreind helstu áhrif og aðgerðir til að dregið verði úr neikvæðum umhverfisáhrifum.

Nánari upplýsingar

Samgönguráð auglýsir nú umhverfismat tillögu að samgönguáætlun 2019-2033 til kynningar, í samræmi við lög nr. 105/2006 um umhverfismat áætlana. Frestur til að gera athugasemdir við umhverfismatið er til og með 13. ágúst 2018.

Tillaga samgönguráðs að samgönguáætlun er unnin í samræmi við lög nr. 33/2008 um samgönguáætlun. Þar er mörkuð stefna og markmið fyrir allar greinar samgangna næstu fimmtán árin. Með umhverfismatinu hafa verið skilgreind helstu áhrif sem kunna að verða vegna samgönguáætlunar og aðgerðir sem ráðast þarf í til að tryggja að dregið verði úr líklegum neikvæðum umhverfisáhrifum áætlunarinnar.

Í drögum að tillögu að samgönguáætlun 2019-2033, sem voru til grundvallar umhverfismatinu, koma fram markmið og áherslur áætlunarinnar auk stærri framkvæmda sem eru í undirbúningi og skoðun. Gerður er fyrirvari um að það ráðist af fjármagni og framvindu undirbúnings í hvaða framkvæmdir verður hægt að ráðast á tímabilinu.

Umhverfismat samgönguáætlunar er kynnt bæði hér á samráðsgáttinni og vef Stjórnarráðsins, stjornarradid.is. Þá liggur það frammi til kynningar ásamt drögum að samgönguáætlun hjá eftirtöldum samgöngustofnunum

• Samgöngustofu, Ármúla 2, 108 Reykjavík

• Vegagerðinni, Borgartúni 5-7, 105 Reykjavík

Athugasemdir skal senda gegnum samráðsgáttina. Einnig er unnt að senda athugasemdir bréfleiðis, merktar umhverfismat, á samgöngu- og sveitarstjórnarráðuneytið, Sölvhólsgötu 7, 101 Reykjavík eða með tölvupósti á netfangið samgongurad@srn.is. Frestur til að gera athugasemdir við umhverfismat samgönguáætlunar er, sem fyrr segir,til og með 13. ágúst 2018.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Ásta Þorleifsdóttir

srn@srn.is