Niðurstaða málsins er í stuttu máli sú að gerðar voru smávægilegar breytingar á ákvæði um fagráð í reglugerðinni. Reglugerðin hefur verið birt. Sjá að öðru leyti niðurstöðuskjal.
Málið var opið til umsagnar í gáttinni á tímabilinu 06.07.2018–15.08.2018.
Umsagnir voru birtar jafnóðum og þær bárust. Skoða umsagnir.
Unnið var úr þeim ábendingum og athugasemdum sem bárust og niðurstöður samráðsins birtar 11.12.2018.
Samgöngu- og sveitarstjórnarráðuneytið óskar eftir umsögnum um drög að reglugerð um Þjóðskrá Íslands skv. lögum um Þjóðskrá Íslands nr. 70/2018 sem taka gildi 1. september nk.
Samhliða gildistöku laga nr. nr. 70/2018 um Þjóðskrá Íslands, er stefnt að birtingu reglugerðar um Þjóðskrá Íslands. Reglugerðin gerir m.a. grein fyrir skipun fagráðs sem ráðherra skal setja á fót skv. nýjum lögum um Þjóðskrá Íslands.
Umsögnum um drög að reglugerð um Þjóðskrá Íslands skal skilað eigi síðar en 15. ágúst 2018 í samráðsgátt http://samradsgatt.island.is/ eða á netfangið srn@srn.is
Hjálagt sendist umsögn Sambands íslenskra sveitarfélaga um drögin.
F.h. sambandsins,
Guðjón Bragason
Viðhengi