Áformuð er breyting á umferðarlögum nr. 77/2019. Lagðar eru fram m.a. þær breytingar að ráðherra verði heimilt að undanskilja tiltekna ökutækjaflokka skráningar- og þar með skoðunarskyldu.

Markmið með þessum breytingum er að koma í veg fyrir að aukin byrði og kostnaður leggist á almenning og stjórnsýsluna í ljósi þess að umferðaröryggi virðist ekki ógnað þrátt fyrir að léttir eftirvagnar hafi almennt ekki verið skráningar- og skoðunarskyldir. Eldri umferðarlög féllu úr gildi 1. janúar 2020 og þá öðluðust lög nr. 77/2019 gildi. Í þeim er kveðið á um að almennt skuli skrá öll vélknúin ökutæki og eftirvagna þeirra.“